Arquivo Hip Hop Kriolo Awards 2011

MIDJOR LETRA

1."Sua Excelência" - Djulay

2."Acredita na Bó" - Dj Invisível

3. "Fé" - Central Side

CORO

Nu tem ki kaminha ku gára

Ku mural nu ka podi pára

Ku forsa nu ta finka nôz pé (na txon)

Kunfiansa, ka nu perde kel fé (na Dióz)

REFRÃO 1

É mi é bô

É ka só mi ku bô

Nóz tudu irmon

Nu finka pé na txon

Y toma um disizon

Di ka dizisti nunka

Di pensa só na luta

Vida é si dja´u sabi

Dja´u sabi mó´ bu ta fazi

É fá na kel ómi

Bá ta marxa móda soldádu

Pára, kálma, kudádu,

Kel fé é sagradu

El ki ta protege-u

Bom tem ki ta po-l na bu ládu

É ta manti ku bô

Undi ki´u bai,

Undi ki´u sta

El ki ta da-u mural

Na kel ki bu kré

Na kel ki bu fla

Si fim inda ka txiga

Ka tem dizisti na vida

S´é korida é korida

S´é briga é briga

Bu ka podi dizisti

Kela ki bu tem ki fazi

Bu tem ki sabi agi

Manti sempri firmi

Ka bu ser nunka um frágil

Mural na kel ómi

Mural na bô

Ka bu spéra pa ningém

Bó ki ta fazi pa bô

REFRÃO 2

É difisel mé

Az véz nu ta pérdi fé

Obstákulu txeu pa frenti

Nu tem ki bai simé

Vida é ka fásil

Kela bu podi kré

Má bu tem ki ta ser fórti

Bu tem ki finka pé

Na tránkuz di vida

Da vólta por sima

Na séz altuz y báxu

Bu tem ki sabi mó´ k´u ta lida

Pensamentus máu bu tem ki ilimina

Fazi bu speriensia ser bu vitamina

Ka bu dexa deruba-u

Kel ki ka mata-u

Ta kura-u

Poi mural na bô

Algém sta odja-u

Tudu kel ki bu pása

Y tudu ki bu sta pása

Podi kré ta pása

Pamódi vida é um pasagem

Tudu kez disgrása

Y tudu kel ki bu trása

Bu podi kré sim ta fika pa mensagem

Y nem ka bu pensa ma bu sta bô só asi

Lembra, tempu podi báfa

Má é ka ta báfa pa sempri

REFRÃO 3

As vezis un niga ta kré dizisti

Di tudu néz vida

N sta observa tudu ladu

N sta odja mágua, mizéria…

Dentu nha korason

N teni éz sensason di diziluzon

Ku tudu nhaz irmons

Nu sta mata kumpanheru

Ta vivi nun dizusperu

Angustiádu é noz stádu di spritu

Nôz vontádi é da un gritu pa nu txoma atenson

Spresa noz emoson

Éz mundo sta bai na máu kaminhu

Sta parci módi ké sta di kabésa pa báxu

Ómi sta fadiga só ku dinhéru, materialismo

Kuzas sem nenhum importânsia

Situason atual sta fudidu

Mundu sta bai, sta bai na máu kaminhu

Má nu ka podi dizisti

Nu tem ki ta insisti

Sigi em frenti sempri

Ku fé y speransa

4.Voz Secular - Eli Brito

5. "Hip Hop é Kultura" - Embaixadoris

6."Djan Cre" - Edy-V

7. "Stay Whit Me" - Wolff

Arquivo Hip Hop Kriolo Awards 2011

quinta-feira, 9 de junho de 2011

Arquivo Hip Hop Kriolo Awards 2011 - MIDJOR PRODUTOR

Arquivo Hip Hop Kriolo Awards 2011 - MIDJOR LETRA

Arquivo Hip Hop Kriolo Awards 2011 - MC RIVELASON

Arquivo Hip Hop Kriolo Awards 2011 - MIDJOR VÍDEO